Subscriptions Sites I Read
14-03-2009
2007年,與美寶去了台北過新年,為何會選擇台北,因為台北雖然咁近香港,其實都從未接觸過,作為香港人,我有少少覺得去台北好似等於過大海咁方便,只不過係機票和船飛的分別,當然澳門你會只留兩三日,今次我地台北小小深度行就玩7日,當中當然要帶下大家去下溫泉區,美食,同埋欣賞101跨年煙花....相信大家都會成日去台北,所以今次呢篇遊記係一篇"精華"遊啦~~~
第一天 (27-12-2007) 去台北多數都會選擇早去晚返,咁我當然都唔例外,但今次選飛機有少少特別,今次我選了坐長榮,因為貪佢呢期出了隻Hello Kitty主題飛機,聽講話係期間限定,因為本人都未試過坐一O的主題機,聽講主題機係會有O的特別O既餐飲及裝橫,所以想一睇一試,但呢班機,香港去程係係中午起飛的,為O在唔想蝕時間,所以我地唯有7日後選黃昏回程的Hello Kitty機返香港~~~
(溫馨提示 : 香港飛台北的飛機多的是,華航,長榮,港龍,甚至華信航空,泰國航空都有OPERATE....去程為BR871,回程為BR872....簽証,香港出生的,可選擇在香港機場的K區中華旅行社辨理,但要留意係O係CHECK IN前,同埋佢做証要時間,所以分分鐘要早多一個鐘到機場,而且之前還要網上登記O在先,$55,若見人多排隊的話或唔想咁早到機場,可考慮做落地簽証,200新台幣....若係大陸內地出身,要三星期前做台証 )
8點幾鐘出發,搭11點10分起飛的長榮機,事前估唔到係機場撞到政健,政健係同我同日去台北玩的好朋友,但佢就係撘中華早一班的機啦,估唔到我地小小的時間裏都可見到,YEAH....先要多謝TOMMY幫我BOOK位,仲要係UPGRADE到我地坐豪華經濟位,有幾豪華,大家睇相就知,其實係個位闊O的,伸隻腳可以長O的,同埋係近機頭位置咁啦....餐飲方面,大家都知,個零鐘機唔會比到飛機餐你食,但就可以食到飛機小食啦,咁次係芝麻豬肉卷,熱辣辣,都幾好味啦....加上有生果配搭,都叫幾OK~~~
1小時又45分鐘的機程,唔夠中午1點便落機於Terminal 2,一落機便做好多香港人會做的事,係第一間找換店唱錢(RATE係HKD 1 = NTW 4.022),唔知叫抵定唔抵,都WITHIN個BUDGET O既,我地冇時間再搵之下又要做簽証之下,都要先唱,之後再拿張FORM填資料排隊做簽証,發現一搞笑O野,個櫃位職員只會收你整數O既錢,即唔會找錢,但佢隔離個櫃位阿姐又會肯幫你打散張大紙,O的LOGISTICS咁分明O既,哈....入境,拿行李,走人,我地今日的第一個景點,係到北投溫泉區享受一番,之後夜晚便會去埋隔離的淡水行下~~~
(溫馨提示 :由機場出發到北投,由於機場區係冇鐵路的,所以最直接的方法便是搭公車到最近北投的捷運站,再搭捷運到新北投站,再入去溫泉旅館,係機場裏的"市區巴士位",搭國光客運的61號(往台北車站)的公車,大約35分鐘,係圓山捷運站落車,再搭北投線捷運北投站再轉到新北投站便可到,出了新北投,你可以與旅館聯絡睇下佢地有冇車出到新北投站接你 )
由於等不到旅館車,我地便決定行入旅館,順便睇下北投景觀,我地今晚住的係有名的北投春天溫泉旅館,大約20多分鐘的行路時間便到,去到溫泉旅館的第一個感覺係,個Reception好雞,因為成日覺得北投春天是好出名的酒店,排場上感該係要豪華,但到達後真的完全唔覺得,而且有點失望,幸好房間幾OK,房內的溫泉池也好OK.Settle Down 之後,便繼續的去淡水睇日落~~~
(溫馨提示 :北投春天溫泉位於一小小的山頭上面,所以如果自己行上去的話,可能會有小小吃力,但可以欣賞到北投的部分景觀....其實春天溫泉旅館係有接駁巴士來往北投站/新北投站及酒店的,但係有個時間表,而且一般情況下都要打電話去OPERATOR度BOOK位 )
從新北投轉往北投站,再轉線便上到淡水站,可能正值是冬天時份,所以日落來得比較早,5點多係架捷運上面已經見到日落....出了淡水站,便可轉"紅26"線到漁人碼頭,漁人碼頭正是食店及情人橋的地方,情人橋係O係淡水睇日落最佳的地方....十多分鐘車便到達了,落O在橋當然係要影下個靚橋啦,果然係叫情人橋,唔單止見到一對一對情人,更見到有人影結婚相啦,步到橋上,還可以見到小小餘輝....過了橋到對岸,都有O的餓,先試個淡水阿給彈牙魚丸,再到隔離豪大大雞扒食雞,60元一塊,但好味....真係講都唔信,竟然係淡水呢度撞番政健,我地之前係冇約定啦~~~
既然有幸撞到政健,我地緊係要食餐飯仔,就去O在淡水老街行下同埋搵食,搵O在一陣,終於比個火鍋吸引,入O在去一間叫"火絕世家"的邊爐店,此邊爐店其實幾OK,一人一鍋之餘,而且O野飲任飲,同埋個價錢都幾OK,佢有O的SET MENU,海鮮,牛肉,刺身等乜都有,而且味道都OK,隻大蝦令我好難忘....埋單其實每人都係大約港幣100到,大家都食到飽飽....得知政健住荷豐館,一齊返新北投再轉春天車到春天落,哈哈,送了政健FREE SHUTTLE....返到房,當然未訓啦,時間尚早,想出去試下個露天溫泉,點知收O在,唯有係房內試個室內溫泉,自己開水調配....都叫OK幾有特色O既,晚上,睇下電視節目便訓覺去~~~
第二天 (28-12-2007) 晨早起身,先食個早餐,再去試下個露天溫泉,春天呢個露天溫泉比我想像中世,我眼見其實得6-7個溫泉池,感覺好似唔夠內地O既溫泉地區多池水,浸了一陣,便返房小休便離開....諗住用行路方式去感受下個北投,沿路落,見到吟松閣同埋其他溫泉旅館小店,再去便見到北投好出名的景點 - 地熱谷,呢度O既景觀係有大量O既蒸汽排出,而且帶點硫磺味,即呢頭係地道溫泉地熱區,所以我相信北投各溫泉旅館的溫泉池都係真的....再沿路落,見到一道好有歷史O既破橋,更見到溫泉博物館,凱達格蘭文化館,北投公園,在上車前,竟然見到KFC有新O野,即食食,沖繩黑糖麻糬蛋撻,30蚊1個,食落口,都幾煙UN,但好甜下~~~
實況VIDEO 1 - 地熱谷
實況VIDEO 2 - 試食
返台北市,得一站先去西門町的東龍大飯店放低行李,再出去走一轉....點幾都未食LUNCH,所以諗住先填肚,留意O在間西間町蛋蛋屋好耐啦,今次終於有得試啦,去到門口要等一等,本身係安排最低座,同帶位講要坐上一層先安排到,貪上面景觀靚O的啦(呢間O野係有三層的),哈,發現一個好奇怪現象,我夠講食客中有一半都係香港人,一黎聽到佢地講廣東話,二黎係好多時都見到佢地放低本閃閃令的旅遊書(相信大家都知邊本)係桌面,仲唔係香港人?....講番個MENU,賣相都幾吸引,因為呢間O野係專食蛋包飯,點了個漢堡扒蛋包飯同埋炸蝦蛋包飯,兩個同樣的好味,圍起港幣係六十幾蚊,推介呢間O野比大家....小發現,好似呢間O野同麻布茶坊係同一集團~~~
食完飯,去MABEL最鐘意O既小小小世界 - 袖珍博物館, 其實都幾遠O既路程,但又真係幾靚O既,每件展品的手工係好勁,超細緻,係呢度都影O在好多相,其實我覺得都值得一去,若你好鐘意呢O的的的骰骰O既小玩意~~~
(溫馨提示 :要去袖珍博物館,可由忠孝新生站行大約20分鐘先到,或參照網頁的指示搭公車前往,網頁為:http://www.mmot.com.tw/ .....其實係台北玩,大家可以買定本地圖集,因為一黎香港人已經要玩到深入毛孔,二黎地圖係中文,勁方便睇,所以去到邊都唔驚迷路 )
返番忠孝新生行街附近,到晚上我地都會以食為主,今晚更會再約政健食晚飯同埋去FEVER,經過一間O野叫星野銅鑼燒,見到佢個荳沙餅好吸引,所以買了一個食,不過不失啦....因為今晚8點幾約政健大食"乾杯",所以現在6點幾要輕食,但一些出名的食店我地都要捧場下,先食鼎泰豐,例牌小籠包唔走得甩,再黎多個水餃,都幾好味,開頭見到好多人等位,原來係假象....再黎就去O在隔離O既度小月食擔仔麵,要等20分鐘先有位,坐低叫了個台南味的擔仔麵,唔知係唔係食唔慣,所以唔係大家傳的好味啦,但係坐個位就幾無敵,係師傅整麵隔離,GOOD啦....跟住過O在隔離O既街睇下O的名牌,如GRAPHIN,PORTER INTERNATIONAL,呢條街比我感覺有O的似東京的裏原宿啦,竟然係PORTER買了個靚靚銀包~~~
(溫馨提示 :以下是以上幾間食店的網頁,星野銅鑼燒: http://60.249.41.146/php/ , 鼎泰豐: http://www.dintaifung.com.tw/ , 度小月: http://www.iddi.com.tw/main.html )
實況VIDEO 3 - 度小月介紹
8點幾鐘,便約政健出發到已BOOK了位的"乾杯",但解會選擇呢間O野,因為一黎呢間食日式燒肉,二黎呢間O野都幾有看頭,佢地每到夜晚8點會全場舉杯一齊飲啤酒,有時有會捉情侶影張KISS相再放上牆上面即送你多一碟肉,又時又會舉行勁飲大賽,一間好日式OPERATION的店子....坐落不久,已見到牆上貼滿晒O的KISS相,哈,二黎O的侍應都係後生仔女,好有活力,大大聲咁落ORDER O個隻,感覺幾好....點了幾碟正O野,蝦,五花腩肉,牛舌,豬肉,全都燒得好味....期間侍應問我地玩唔玩即影即有KISS相,我地同政健都拍醜都冇玩,但要同政健講番聲唔好意思,因為我死都叫政健同SUKI玩,但跟本政健同SUKI係冇O野,哈,玩大O在....席間都有玩勁飲大賽,好似有香港人一齊玩,賽果唔記得,但氣氛好好,滿足的一餐~~~
(溫馨提示 :其實"乾杯"呢間O野係有幾間分店,我地去的係叫大乾杯,還有小乾杯,老乾杯,間間都各具特色,大家自己發掘下啦: http://www.kanpai.com.tw/ )
食完之後,我地第一次到台北的夜店玩,其實係去見識,因為一黎台灣夜店文化一早已好出名,二黎台妹又靚又性感,所以我地便一齊去見識....選了信義區的NEO 19裏面的ROOM 18,入去之前,發生了小插曲,政健因為只得短褲,所以唔比入,一定要佢買條長褲先可以入,我地週圍搵,最後都搞掂,但要比多條褲錢就肉痛O的....每人附出700台幣就可以入,當中包兩杯O野飲啦,我地都成11點幾入去,唔知係唔係太早,所以冇乜美媚,幸好愈夜便愈多....其實入到黎,都係飲下O野RELAX下為主,場裏面的美媚講真O既真係會打扮,比係街見到O既靚好多,輪跳舞,其實都幾迫人,大家都係UN多,係好個場係分兩邊,一邊FOR跳舞,一邊都有O的桌可以飲O野,我地都玩到成點幾兩點,唔知點解,愈夜就愈多人入去玩喎,但我同政健明天都各自各有地方去,所以都係要先行離開....總括黎講,去夜店玩下RELAX下係唔錯的選擇,尤其黎到台北,咁當然唔可以玩一O的過火O既行為同埋小心安全啦,當中你話個場裏面有冇牽涉毒品OR賣淫,只留O在兩個鐘,洞識唔到,哈~~~
(溫馨提示 : http://www.room18.com.tw/ , Room 18 只係其中一個場,台北區週圍都有好多夜店,只係信義區都有大把,請自己搵啦 )
玩完後,便坐的士返西門町訓覺去....夜店太黑,影唔到美媚比大家睇,連自拍照都影唔到,哈,POST唔到~~~
第三天 (29-12-2007) 早上出發,今日都係圍繞番台北市中心週圍去,早上途經西門町時,商鋪大都未開,但就可見有一大班人聚集,原來係飛輪海出新碟(雙面飛輪海)的簽唱會,但簽唱會好似四點開始,但早上十點幾已見人潮,而且九點九九係女仔,飛輪海真的係台灣好紅....離開西門町,先到台北車站附近一閒逛,行下個車站睇下個新開的微風廣場特色餐廳,及週圍的K MALL,SOGO等等....再之後就沿住台北車站步行到書局街睇書書,係入書局街之前,竟然無意地發現一好味小吃 - 福州世祖胡椒餅,未買之前見好多人排隊都知係好O野,見到師傅由一個大爐不斷咁端O的胡椒餅出黎,個個香噴噴,更加係好正,40蚊NTD一個,排幾個字都抵,食完更加係回味冇窮~~~
(溫馨提示 :台北車站其實係有兩間比較多香港住的酒店,分別係天成同埋凱撒,兩間都比西門町的飯店高級O的,當然也貴O的啦....係台北車站連住的,除有書局街外,還有條相機街,係呢條街上面有好多相機同埋配件鋪,玩相機的朋友唔好錯過....台北車站裏的微風其實好有特色,因為佢係分開O在好幾個美食區,如牛肉麵,夜市區等,TOTAL超過60間餐廳,詳情:http://www.breezecenter.com/bts-1.htm )
食完之後,便開始行下書局街,到台北睇書彷彿好似每個人都會做O既O野,一黎台灣人讀書文化同風氣都強過香港,二黎,台灣出O的書總係好似快人一等同好人一等,所以都幾值得去掃書....行O在一陣,未有見收穫,返而睇下O的最新O既雜誌都OK喎,台灣人雜誌市場其實好貼日本,O岩晒O的哈日一族....行到三點幾,都未食LUNCH,行行下又行返到西門町,行到一間出名的食店,當然要試下啦,呢間就係鴨肉扁,聽日講宜家賣O既唔係鴨肉,係鵝肉,我就唔理,有好O野食就OK,配埋米粉食,其實又真係幾好味喎....食完之後返東龍放低少少O野又要出去行過~~~
(溫馨提示 :其實台灣好多時新書都有打折O既機會,記住搵書時要去多幾間夾價,包括誠品 )
小休一番之後再出發,再經番今朝人群聚集之地,無意之間真係見到飛輪海在簽名,竟然可以黎到台灣見到台灣ARTIST,感覺特別,即刻幫佢地影番張相先....轉個街角,竟然去到阿宗麵線之鋪位,呢O的小食,點可以錯過,一食之下,感覺係似食魚翅,當然係平市民版啦,食完便閒逛了西門町一陣....下一景點,我地轉戰劍潭站,呢個係去美麗華百樂園同埋士林夜市之站....時間咁早,當然先去美麗華百樂園....其實呢個商場最出名O既地方係睇個摩天輪,SHOPPING,唔係最主要啦,影O在幾張靚相,行O在一陣便離開....返到劍潭便走入今晚個重點,士林夜市食下小食,一黎先試個棺材板,即麵包裏釀了O的湯同配料,建議坐低慢慢食,再黎試個蚵仔煎,唔知係唔係食O個間O既問題,我覺得O的醬好假,再試過大腸包小腸,呢個都幾好....食完O野,再行出另一邊食街,有O野睇,有O野買,有O野食,都幾開心....因為明天會長征野柳,所以夜晚返到西門之後,再繼續都去埋開24小時的家樂福買O的O的O野,哈哈每次到外地都好鐘意行下呢O的大百貨,一站式,要乜有乜,我地買地成點幾先肯返酒店~~~
(溫馨提示 :要到士林夜市,記住O係係劍潭站出閘,因為捷運線上會有個士林站,比較易令人誤會同埋行得遠....去美麗華百樂園,係劍潭站捷運站站口位係有FREE SHUTTLE啦,10幾分鐘一班,同樣搭10幾分鐘便到....家樂福呢O的大百貨,我都幾鐘意行,因為一黎佢乜都有得買,包括衣褲,電器,雖然有機會係雜牌子,但有O的食品飲品可以比一般街外SEVEN超市平,等於可以係日本街頭搵下藥店便可買到平平飲品,所以大家記得留意下啦 )
第四天 (30-12-2007) 昨晚成3點幾先訓,今日晨咁早6點幾就再起身,目的係要去長征,今日我地會去幾個台北近郊地方,夜晚更會住平溪,所以迫住要咁早起身....先出發到台北車站搭7:40AM發車的國光客運,目的係要去野柳,呢個係一個出名的地質公園,以奇石見稱,睇相就似澳洲拍斯或土耳奇奇石林咁樣....經過一個鐘又十五分鐘車程,我地終於到O在野柳,下車位到野柳地質公園入口位要行十五分鐘先到,途經一7仔,由於天氣太凍,先買支熱O野飲下,期間,更見到有仙人舉殯儀式,加上天氣陰陰又大風又凍,更見野柳區幾分淒美....終於到O在入口位,先買票(50台幣)一張,係買票位見到有個箱好特別話收集大家買O野時的發票,原來我地每買一樣O野,發票上面會印O在一個抽獎碼,台灣每一季會抽獎一次,中O在會有錢或巨獎,呢度叫我地捐O的發票出黎目的係要幫助窮人增加佢地中獎機會,非台灣本土人士係得唔到獎的,所以我地大都捐晒比個箱....入到奇石區,有幾個石我覺得已經係成為O在地標,大家要去搵下,好似最出名的女皇頭,燭台石,仙女鞋,豆腐石等....去到,第一個接觸到便係蘑菇石,比我相像中大,而且石頭每人受海水同天氣風化,影成好獨特的造型,而又有可能呢帶地質公園帶有唔同礦物所以地下的顏色又呈紅紅黃黃咁....係蘑菇石隔離便是出名的燭台石,我覺得燭台石好型,因為佢係呈黑色形態,好COOL,而且真係好似燭台,YEAH....再找尋,最終搵到女皇頭石,其實呢個女皇石係最受歡迎的一石,雖然我地宜家10點鐘發現到,但都好多人為佢影相,女皇頭若你細心看,只會得一個角度係最似,其他位都唔似啦,所以人人都迫係呢個位影相,好辛苦先影到一張冇人的相....唔知係唔係天陰關係,女皇頭唔係話好靚,因見過一O的藍天白雲配女皇,美極了,但有一點大家要注意,因為風化關係女皇頭條頸已經變得好削,大家千奇唔好走埋去摸佢,除時斷頸....再行下,發現其他O既石都係O係好遠O既地方,有機會O係係崖邊,所以要搵要睇係好危險,要量力,因為我地行程緊迫,都差唔多時間回去,回程時,見到有隻狗係週圍行黎行去,見到佢隻眼都通紅,似乎染病,好恐怖....公園出口係個買O野區,果然好識做生意,折返返公園入口,玩下O的蓋章再返剛才落車位到下一站~~~
(溫馨提示 :國光客運係一間台北地區裏大型的巴士公司,路線遍及全台灣,我搭的呢條線係要由台北車站的國光客運總站出發(台北車站有好幾個巴士站,大家要識分識搵,分別有台北西站,台北東站及總站),去野柳的車只係途經,總站係金青中心,宜佢係用分段收費形式的,唔係去金青中山千奇唔好比全費,落車位有幾分山卡啦,建議在網上先PRINT個路線圖落黎,同埋問司機點落車,國光客運網頁:http://www.kingbus.com.tw/time&price.php ....野柳地質公園雖然有O的遠同埋好似唔係好方便,但其實睇下O的怪石了解下地質係幾OK O既,詳情:http://www.ylgeopark.org.tw/, 真係一個溫馨提示,其實野柳近海,所以會有海風會好凍,大家真係要著多件衫,同埋睇石時記得要注意安全,因為有O的地方佢唔比人進入驚危險會跌落海或比浪捲走,雖然我都越界,哈哈 )
野柳係屬於北海岸風景區
實況VIDEO 4 - 燭台石之介紹
係番落車位搭一架叫基隆客運O既公車便可到達基隆,基隆其實係一個小城市,都有佢自己O既景點同夜市,都係一個中轉站,如去北海岸,九份,台北等....經過40分鐘到基隆,黎基隆其實主要係想轉車去瑞芳站,搵O在一輪先搵到一架O既車到瑞芳,瑞芳其實係一個小中轉站比你搭車到九份或搭小火車入平溪,黎緊O既行程我地會搭平溪小火車線去平溪,佢係有一日票發售的,可以一日內任搭小火車....上到月台見有人售賣日式便當,幾得意喎,用50蚊便買了一盒試下,打開賣相唔錯,諗住係火車食,點知火車係超級的多人,所以唯有去到平溪民宿先食,係,我地今晚會住民宿的....用O在四十五分鐘先由瑞芳站行7個站到平溪,落O在車,差唔多2點半先搵到王大哥的明通雅舍,佢係一間鋪頭之餘都係一間民宿,但由於房間未預備好,所以我地唯有放低行李同埋食埋個便當先繼續起行,此時,便當已凍....出O在民宿,先係平溪週圍行下,開始見到有人係呢個天燈鄉放天燈,當然日間的效果有夜晚的咁突出....行行下,見到有個相傳話幾百年的郵筒,即時諗起玩O在咁多日,應該寄番張明信片返香港,當然台灣好多時都興寄一塊木板厚的明信片,所以我同MABEL就係郵筒附近一家店買了一人一塊木板,再係上面寫字同蓋唔同的印,便郵寄,當然要留意郵費係唔同的....玩完平溪便去下一站 -- 十分,係未有車到之前,我同MABEL都走O在去路軌上面影相~~~
(溫馨提示 :瑞芳站係一個好小的地方,但係O係一個重要去幾個重要景點的中轉站,若你要去九份,可以係呢度坐去金瓜石的巴士便到,若你要去基隆,坐基隆客運,若你要入平溪十分菁桐,可坐平溪小火車....平溪小火車線的一日票為54元NTD,可以任搭火車,但就唔可以走出瑞芳再進入,因會有人收票....原本以為小火車會好有特色,但點知除O在顏色上比較古雅O的之外,車廂內係同一般捷運冇大分別,有O的失望啦....明通雅舍的網址為:http://pingshi.myweb.hinet.net/ ,一晚雙人房大約1200 NTD,房間只係一般,若你地相要多O的選擇或住好O的日式O的,可以選擇住係平溪後一個站的菁桐....一塊木板型的明信片,大約需要50-80 NTD,而寄香港要貼25 NTD的郵票,一般賣木板型明信片的鋪頭應該有埋郵票買,可以問下老闆有冇....跟據經驗,平溪線的小火車時間係好唔準時,縱使係有佢自己的時間表....基本上平溪線上各站你都可以進入路軌影相,因為入路軌係冇遮冇掩的,咁當然影相時要留意有冇火車黎緊會經過啦,要小心 )
終於等到小火車到站,坐兩個站便到十分,十分都係平溪線上一個出名的放天燈的地方,同埋呢度有個出名的景點十分瀑布,還有O的吊橋...因為由平溪到十分的時間晏了,本身諗住去睇十分瀑布,但因為驚天?同埋搞到太晏,阻礙O在我地去九份,所以最後都CANCEL唔去,反而係行下條老街,同埋條靜安吊橋,吊橋都有O的特色,有O的想跌想斷的感覺....係街邊買了O的小食,同埋今晚會放的煙花仔,便再向下一個地方出發 -- 九份~~~
(溫馨提示 :由十分站步行到十分瀑布,要預番大約30分鐘路程,來回即60分鐘,瀑布聽講都算壯麗,但有個入場費為約50元港幣....十分老街正正就係條火車軌兩邊,成日會見到有人走黎走去買O野,大家過對面時,一定要留意有冇火車經過 )
坐火車站回瑞芳,再轉公車到九份老街(即斜路7-11門口下車便可),差唔多成6點鐘先到,天已經黑晒,九份係一個山城,而老街更係出名欣賞東海角風景同埋掃街O既地方,出名的小食有芋圓,牛肉麵,麻薯等等....係呢條小食街上面除了食外,其實住宿,品茶,同影相都好靚....但地今晚黎呢度的主要目的,就係食O野同欣賞夜景,第一樣O野先食了個湯魚丸,再黎食O在個阿婆芋圓,買了個葡萄籽沖劑返香港,去O在睇侯孝賢導演戀戀風塵的上演戲院遺跡,再黎食個草仔粿,同埋炸菇菇,最後唔少得食埋個香煎豆腐,全都好好味啦....因為火車同玩天燈的關係,所以8點幾鐘又要再回到瑞芳火車站,係去搭火車前,有O的時間行O在一陣瑞芳老街的康是美,買了一浸浴劑,希望往後幾晚的住宿有浴缸比我一浸,RELAX下~~~
十點幾,再次回到平溪的民宿,入到房可放低行李啦,我地便表示要放天燈,好人的店裏的人便幫我地預備一切,廿十分鐘後便教我地點玩....首先,可選擇天燈的顏色,乜色都有白色,黃色,紅色等,聽講話每一隻色代表一種祝福,但最多人選的還是白色,選好後,再用顏色油係天燈紙上面寫上願望,喻意當天燈放得越高時,你的願望便會實現....當寫好晒之後,便可以拿去放,放的方法第一次要有人幫手啦,先係天燈底部放上紙屑,點燃後,捉住天燈四角,再把天燈先踩著,當天燈內充滿晒氫氣之後,便有足夠力量往上飛,放腳,天燈便會飛上高高的天,祝我同MABEL大家的願望都能好好實現~~~
(溫馨提示 :放天燈係要錢的,其實都係幾十蚊NTD )
玩完天燈,我地仲有節目,下午之時係十分買了O的煙花,就係O係呢個時候玩啦,經過係沖繩玩的回憶同埋靚相,宜家係平溪要繼續,我地一邊玩,一邊影O的花火相,都幾靚啦,哈哈....返到房,有O的唔好的經歷,就係洗手間O的熱水好唔暖,係咁凍天氣之下,真的幾難受....今晚,睇電視,冇乜特別節目,睇到黑澀會美眉之前香港之行,總算有O的話題性啦~~~
第五天 (31-12-2007) 今日係好特別的日子,係2007年的最後一天,一早起身,與王大哥道別之後,我們便朝著菁桐呢個地方出發,菁桐其實係O係平溪後一個站,基本上步行過去係好過等小火車搭過去,半小時便可到,這都係我地其中一個節目,慢慢的跟著路軌前行到菁桐....步入菁桐老街,看到一戶戶,但由於太早,所以都未有見到任何人在活動,見到有O的郵筒,大家都可以係呢度寄信,有個郵筒上面寫著"2007年最後一封信,趕快來寄"真係幾有意思....菁桐其實係日治時候,主要發掘煤礦的地方,所以一步入車站,便見到有點日本特色的車站設計同埋菁桐礦業館,還有一架煤礦車上面掛滿一條條的祝福棒棒....我週圍影相,MABEL就見到一檔特色小食檔剛開舖,要去試試啦,呢個係楊家雞捲,確實的係幾好味,推介比大家....其實黎菁桐的目的最主要係搭番公車出台北市,咁當然到O在梗係要行一陣啦,其實菁桐都幾細下,但佢都有好幾間特色民宿,幾乎全都走和風路線,有間叫"皇宮"仲好出名,一O的明星MV或電視節目都係裏面拍....行了一個圈仔,便等公車返台北市~~~
(溫馨提示 :走O在路軌上,都係O個句,一定要小心啦....台北市係有公車直接地往返菁桐,車為台北客運16號,是來回平溪及木柵的,菁桐站下車及上車的地方係O係煤礦工人雕塑像之下,車程大約為45分鐘,從木柵可以再搭捷運到其他地方 )
一返到木柵捷運站,第一眼便留意到我想留意O既O野--今夜跨年倒數的交通安排....無錯,今晚就係要參加呢個活動,一個一年一度的台北盛事,加上期待已久101大樓的煙火,簡直要台北樂翻天....今日行程唔係好多,早上11點多,先坐捷運回忠孝復興站,係太平洋SOGO,幫DENISE搵手信之餘,見到有杯雪糕幾有特色,OSHARE,雪糕下面再加上朱古力麵包,係幾度環境之下都要食一下....係忠孝復興一帶行街街,MABEL就係INTERNATIONAL PORTER買了個兩面袋,我想買GRANIPH,但睇唔O岩啦....行到點幾鐘,便去O在搵食,跟旅遊書的說,去了食周董所開的日式炸豬扒店--豚屋,入鋪前,便被門前豬仔所吸引啦,哈哈....入到去又另一個奇景,我覺得6-7成都係香港人,因為人人都拿住本閃令令O既台北旅遊書放係桌面....我同MABEL一人一客點了乳酪炸豬扒及蔥花味噌炸豬扒,每客大約220台幣,賣相係幾唔錯,味道都可以啦,都係日本比較地道同埋做得出色~~~
(溫馨提示 :其實忠孝一帶都係SHOPPING購物之地方,很多潮流鋪頭都會O係O個頭,PORTER,GRANIPH,X-LARGE,UNDERCOVER等等....當中網頁:http://www.ll-porter.com/,http://www.graniph.com/....要捧周董場,去食豚屋其實都要搵下路,因為佢有小小位於唔起眼O既地方,網頁:http://www.butaya-tw.com/001.htm....通常食呢O的日式炸豬扒,佢一開始會係有一碗芝麻,其實食法係先"中"碎O的芝麻,再混入O的豬扒醬汁,點豬扒黎食 )
食完O野,返去西門町O個頭,目的係要去東龍拿番留O在兩日O的行李再轉酒店,黎緊住O個間酒店都幾期待,因為係自己係網上搵到O既HIP HOTEL,叫喜瑞飯店,地點位於長安東路....其實位置距離最近的捷運係有點唔方便啦,大約要行10-15分鐘先到忠孝新生站....我地都要左問右問下路人先搵到,可能都因為太新吧....但當CHECK IN之時,見到整間飯店都係以白色為基調,RECEIPTION更加係型男索女SMART CASULE LOOK啦,一晚房價大約港幣$700~~~
(溫馨提示 :其實要到喜瑞,網頁會教由善導寺站出去,但我覺得由忠孝新生去會好O的,因為感覺大街少少,條路唔會太黑或太偏....http://www.ambiencehotel.com.tw/)
5點幾開始天黑,係時間去參加倒數活動,7點係市政府101附近一帶開始到凌晨....去到市政府站,見到開始已人頭湧湧,迫入去諗住霸個靚位睇SHOW睇下台灣明星,諗住早早地冇乜人之下,叫O在MABEL去買O的O野食返黎,點知就出事,因為接近開SHOW時間就已經有好多人迫埋迫埋,加上MABEL的電話又冇電,所以當中有一段時間係失散,係擔心之下都冇乜心情自己一個睇SHOW....幸好,其後MABEL班到個電話打到比我,我要去番NYNY O個商場,先搵番啦,返到表演場地都再入唔到去時,只好留O在外圍睇電視直播....其實講番個SHOW,都OK架,因為都叫有幾多明星嘉賓,好似王心淩,星光四少,梁靜茹,楊宗偉,信,蔡建雅,劉若英,大嘴巴,叮噹,五月天,蔡依林,羅志祥....等等,最重要O既環節係101大樓的煙花,188秒,動用過億台幣,每年都係咁盛大觸目,企係101大樓下觀賞,真係覺得好壯麗,一句"2008,愛,台灣"印係101上面,都幾感動同有意思....聽講香港都好似話有個係國金今年開始搞,唔知會係點呢?....最後睇埋羅志祥壓軸,就跟人潮離開,離開之時真係超級多人,政府都要分流比大家入站搭捷運,當然捷運線今晚要行通頂啦....聽大會講,今晚係有成35萬人聚集係台北市政府附近倒數,嘩,真驚人的數字~~~
原來睇台灣LIVE係好GAG,係廣告時會同O的歌手傾下計,當然係小秘密O個隻或唔出得街O個O的,跟住再接住廣告後的正常畫面,即係家庭觀眾睇電視會聽少好多O野啊,哈哈....是晚搞到成2點幾先訓,明天又要早起去車展影MODELS....今日終於聯絡上台灣的朋友仔思怡,看看明天有沒有時間跟她見面食飯~~~
實況VIDEO 5 - 劉若英,未來
實況VIDEO 6 - 101跨年煙火 08'
實況VIDEO 7 - 羅志祥,我不會唱歌
第六天 (01-01-2008) 早上,係飯店食個早餐,便同MABEL各自精彩,MABEL選擇到書局街行街買書,我便出發再到市政府的3號展覽館的第17屆台北車展睇車同影MODELS,LUNCH時再集合....到市政府站時,真係覺得台北政府好有效率,昨晚倒數完時還是滿地垃圾,今日已經係掃得乾淨....入到場,都係週圍行下熟習環境,個場其實都似灣仔會展,但細少少....見到各類的汽車品牌,MODELS靚唔靚當然見仁見智,普遍質數都幾好O既,比起香港的MODEL仔....當中其實有好多個COUNTER會有靚女派O野,或者介紹下各新車性能,當然車係可以比你任坐感受下,以下係靚相,逛了兩個鐘便離開~~~
再次會合MABEL,諗住約思怡一齊食個LUNCH(明天便離開台北,今日唔食唔知幾時食),但思怡因為要返工就唔到時間所以出唔到黎,同MABEL搵食,想跟書食一間日式燒,點知結業O在,經過小林煎餅,好似幾好味,先黎個小吃,佢個銅鑼燒O的吉士餡好好味啦,而且熱騰騰,搞到我跌O在一PAT....諗住再去捧周董食佢O個間Mr.J義法廚房,點知今日冇開門?玩呀....正離開之際,見到一間又係食意大利粉O既店子,比佢個名同埋我地肚餓指數所吸引所以入去,點知有驚人發現~~~
呢間O野個名真係夠騎呢,叫"騎樓意大利麵舖",其實都係食意大利粉,但店子裏一切都來得簡約,還有點點去O在泰國HIP餐廳食O野咁FEEL,有樣O野我都幾鐘意,就係落ORDER先即煮,仲要係有個OPEN KITCHEN,即係你見到晒O的師傅點整個意粉(當然認唔認得係自己點O個隻就另計),佢裏面可選的意粉種類唔算多,但都可以選擇沙律或前菜,我們點了CAESAR SALAD,同埋辣脆蒜煙肉意粉,兩個都好好味,尤其係意粉,辣脆蒜煙肉撞到O的味O岩O岩好,意粉又見彈牙新鮮,可以用惹味來形容,而且價錢唔算貴,都係大約台幣180一個意粉,呢間推介你啦~~~
(溫馨提示 :感覺好似好多食店都會係O係星期一會休息,大家去搵食時,記住留意下旅遊書,餐廳的開放時間....周董的義法廚房其實已經有第二間的,係台北醫院裏,而且裏面還放了周董係<不能說的秘密裏>彈過的鋼琴,大家可留意:http://www.mrj-tw.com/ ,....騎樓好似冇網頁的,但我去的那間係O係敦化: 台北市敦化北路155巷12號, TEL:(02)2547-5377 )
食完O野,當然又係時候繼續去玩,因為MABEL都鐘意睇下衫,所以便去台北一出名的時裝零售批發市場,五分埔,相信好多香港女仔都唔會陌生,聽講話西門町的衫都係O係呢度拿貨....搭捷運到後山碑站,出站後大約行五分鐘便可到其中一橫街....入到去,其實都大大地,似就似曼谷的翟道翟,當然冇咁大啦,或者似曼谷的SHUN LAM NIGHT BAZZAR,咁呢道就係以買衫褲衣物為主....當中都會夾雜一O的小食攤....行了一陣,發覺其實O的衫唔係話有好多好平,睇你識唔識搵,男裝就好似潮興玩LAYER咁,小弟同MABEL就各自執了一兩件衫,都係O的薄O既外套,泠衫,圍起TOTAL都要200港幣....都心可以食到一特色街頭小吃,燒庵春蛋~~~
(溫馨提示 :搵到一個網有講五分埔,大家可以參考下:http://www.wufenpu.tw/ ,....其實大家若覺得O個頭只得五分埔冇其他O野睇,又覺得少遠O既話,其實係五分埔附近隔兩條街係有個好出名O既饒河街夜市,咁佢冇士林咁大,但同樣都有好多O野食,所以可以順道一去啦:http://www.raohe.com.tw/c2-1.htm )
行完五分埔,便返信義同101去誠品買書,同埋買手信,同埋食飯....誠品總係一個好唔錯的地方,乜書都有,有時會有DISCOUNT,尤其鐘意佢放旅遊書的櫃,一黎台灣出的中文書,有品質保證同易明,二黎,佢係分門別類得好好,一個櫃係亞洲,一個櫃係歐洲,地中海,美洲咁分類,佢易搵....同埋誠品還可以買到文具雜誌,甚至飾物,衣物,及搞展覽會等,乜都有,佢還有LOCKER比大家買完O的書放入去唔駛週圍拿,勁方便....幸運地最後都幫DENISE搵到佢想要的"一支鄉"蜂蜜蛋糕....今晚食飯會晏少少,因為BOOK了一間係網上面都幾出名的上閤屋,係食日式放題的,夜晚9:30PM後入場會平O的....買書,週圍行下,再行下101,O的時間都好快過到9:30PM,等O在一陣下就入O在去上閤屋食O野LU,呢度有好多O野食,壽司SHASIMI,鍋物,揚物等....其中有兩樣O野好欣賞,一係SHASIMI好好味,不停怒食,二係佢會比O的桌號牌仔比你,只要係一O的要等佢煮O既食物COUNTER放低牌仔,師傅煮完就會有人送到你桌面,唔駛排隊等佢煮,係位慢慢等或再搵其他O野食都好,整體黎講,都OK O既呢間O野~~~
(溫馨提示 :誠品書店,相信唔駛多作介紹,好多地方都有,有O的更開24小時,大家可以留意: http://www.eslite.com/index.aspx , ....我朋友仔DENISE推介的"一支鄉"蜂蜜蛋糕,我覺得都好味,佢分店唔係好多,可以睇:http://www.e-g-sain.com.tw/ ,....上閤屋,係佢O個網頁上面,你可以預先去BOOK定位啦,詳情請睇:http://www.jogoya.com.tw/index.htm ,有人話有另外一間叫"欣葉"都係食日式料理都好味O既:http://www.shinyeh.com.tw/japan_a.htm )
食到11點幾,返酒店執行李,因為聽日就係LAST DAY LU,有O的唔捨得~~~
第七天 (02-01-2008) 最後一天係台北LU,又係8點幾起身,睇一睇電視,見到有兩單幾得意新聞,一係原來跨年O個晚,有成193萬人次搭捷運,哈,二係外國CNN有7秒鐘畫面報導101台北大樓跨年煙火,呢O的都係台灣之光,希望台灣會發展得愈來愈好....食過早餐,第一個地方係去西門町,點解要黎?哈,買手信啦,最出名O既鴨舌,老天祿,同埋我的美麗日記面膜,順便參觀紅樓劇場,很有文化氣息的見到有人係門外寫生~~~
行到咁上下,便去試一間好出名食鰻魚的店子,叫肥前屋,要去到中山站先食到,經過中山地下街,先黎到衣蝶百貨,呢間百貨其實係賣女仔O野,冇乜特別,但特色之處有二,如果你係駕車去,佢係會有型仔DOORMAN為你開門啦,二係O係百貨店最上層,有個華麗女廁,入廁格前會有個小小化妝為,可以坐低慢慢化妝,而廁格係比一邊廁格大同埋會連埋洗手位啦~~~
經過一段路,終於搵到肥前屋,要排下隊,而且仲要先點樣食,一人一盒鰻魚飯唔少得啦,再黎點埋個特色燒鰻魚肝,有位坐低,店裏的裝橫係跟日式居酒屋咁啦,O的食物好快就送過黎,一食,都幾好味,因為鰻魚好肥美,呢度個個都食鰻魚飯咁,見到隔離桌有燒蛋捲,好正,但我地太飽,冇叫到啦....整體感覺唔錯~~~
(溫馨提示 :手信,尤其係食得O既,好似鴨舌,當然係留番最後一日買啦,老天祿,只此一家係西門町,大家要留意:http://www.lautianlu.com.tw/ ,....衣蝶其實有好幾個館的係附近,但係唔係好多O野睇就唔覺得:http://zh.wikipedia.org/wiki/%E8%A1%A3%E8%9D%B6%E7%99%BE%E8%B2%A8 ,....肥前屋:http://www.taiwantalker.com/article.php/115 )
食完LUNCH,返酒店拿行李,便要準備出發去機場同埋找尋HELLO KITTY之旅,因為想有個主題飛行,所以記了坐HEELO KITTY的長榮機,下午4點35分起飛....由酒店出發,先步行到長榮桂冠飯店買飛,大約135台幣一位,等車,上車,直出機場,記住飛香港的線會係O係第二航廈,先CHECK IN,見到張BOARDING PASS係HELLO KITTY樣啦,正....發覺仲有樣手信可以買,就係鳳梨酥,仲要係維格,咁當然唔駛出返去圓山站買,宜家係機場都可以買到,但係要返第一航廈O個邊,返到去3/F,搵一間叫御禮堂O既店子出來就可以買到,總算行程完滿....接著便是享受主題飛行,未入到C2 GATE前,已先見到一個HELLO KITTY的育嬰室,內裏有KITTY BB樣,再黎係C2 GATE見到一個大頭拎住行李的HELLO KITTY,隔離有間HELLO KITTY SHOP全部都係買KITTY O野,再黎一整個GATE都滲滿KITTY,有小朋友玩樂區,及有電視播緊KITTY卡通,我都係第一次睇啦,整個GATE的佈置都係KITTY就唔駛講,當中都有O的台灣特色,比如KITTY放天燈,整體都幾靚O既....差唔多時間登機,係上機前,當然見到HELLO KITTY機的真身,型架~~~
(溫馨提示 :去機場,當然有好多家巴士公司都可以到,其中一架係長榮只家出的機場巴士,可以睇睇網頁睇下有冇車係你住的附近出發方便到機場:http://www.evergreen-eitc.com.tw/eitchtdocs/jsp/c_4/c_4_2_2.jsp ,....要由第二航廈到第一,或者一去二,有兩個方法可用,一係坐機場裏的接駁巴士,二係接冇人架駛列車,但要留意,一來一回等車都要O的時間,所以要注意啊....要知道御禮堂地址,可以睇:http://www.taiwan-vigor.com.tw/front/bin/home.phtml )
上到飛機後,仲有好多O野同KITTY有關啦,首先係個電視機仔,一直都有KITTY樣閃黎閃去,跟住椅子上墊頭紙都係KITTY,空姐都會掛起KITTY NAME TAG同埋KITTY圍裙,飛機餐墊盤紙,食物,杯,都有KITTY的足跡,甚至係廁所見到O的LOTION樽上都印有KITTY頭,因為咁特別,所以我最後問空姐拿了一副啤牌,都係KITTY,正,值得珍藏,我當然唔係KITTY迷,但見到咁多主題O野係一齊都會令人幾開心~~~
1小時35分過去,安全的抵達香港國際機場,7日6夜之旅係KITTY的陪同下結束LU~~~
後記 台灣真係一個好簡單又易玩,又潮O既地方,唔怪之得咁多人會去,甚至星期五晚放工即去,其實嚴格O的黎講,小弟都係真正第一次去比較深入O的玩台北,感覺好好....希望好快又可以出發,去台灣其他地方去體驗,台灣其實觀光資源好多,等著大家同埋我自己慢慢去發掘~~~
要睇晒全部靚相,請即登上: http://www.fotop.net/beautifulife/Taipei2007
08.11.2008
沖繩之旅第六天 那霸~台灣~香港 宿南風
今日行程非常簡單,因為只係11:45AM搭飛機經台灣返香港,所以今日可以晏少少起身梳洗同執O野,我地8:30AM起身,裝扮一番我昨晚買的一件型仔背心加型帽,同埋丟低一O的係香港帶過黎舊O既衫,於9:30AM便出門口CHECK OUT 離開....往美榮橋的單軌站進發,理應10多分鐘步行時間便到,點知行行下個天落雨,拖延O在少少到單軌站O既時間,可能因為沖繩係屬海洋性氣候,所以突然間會落雨,雨後一陣亦會好快放晴....於等待期間,影O在O的無聊相~~~
(溫馨提示 :通常每次去旅行,我都會帶同著一O的舊O既衣物,個最終目的係要去丟低唔要,因為往往去到一個地方都會買一O的靚同特色O既衫,把舊O既丟去,一黎可以將個行李箱減磅,二黎唔駛帶返屋企再把一堆衫堆積,所以我係習慣O在帶衫褲鞋襪去旅行丟的 )
單軌列車
從美榮橋站發進,只要7個單軌站便可到達那霸國際機場,成為260YEN,唔講唔覺,原來係單軌上面係有好多O的廣告宣傳版同標貼,有O的都幾得意架,影了幾張比大家睇下....十多分鐘便到達了機場站,係站內,還作了最後車站留影....嘩,O的彩繪同埋柴?幸的POSTER好靚啦,柴?幸張POSTER係一張講沖繩,一張講北海道,好靚,一南一北,一熱一凍,有意思....齊人,我地先去INTERNATIONAL TERMINAL CHECK IN....可能因為沖繩呢個地方好熱情,O的地勤人員係著夏老威衫啦,而且SERVE我地O既姐姐更加係扣唔緊胸前粒衫鈕啦,沖繩人好熱情,好心的SUKI最後都提阿姐姐扣番好,哈....搞掂之後,我地便去番DOMESTIC TERMINAL閒逛~~~
(溫馨提示 :其實以我見到,沖繩人好鐘意呢O的繪係玻璃上的彩繪藝術,真係可以話隨處可見,而且好有意思的,上次去首里站內便見到首里琉球國王出巡時的彩繪,靚,大家去沖繩玩時,記得係單軌站同埋週街留意下....重提一之,若要飛國際線的,記住去番INTERNATIONAL TERMINAL CHECK IN,但INTERNATIONAL O個邊係冇O野睇同買的,只得登機,所以要睇買食就要返番DOMESTIC O個邊,只係一條路仔而已 )
那霸國際機場
入到機場,步上中層,便是SHOPPING 購物區,去到一化妝品鋪,幫MABEL婆婆買了O的日本藥貼,同埋買O在沖繩特產美白肥皂Sauza,見到一間買BLUE SEAL雪糕店,又再查詢想買一PACK返香港,還是不成功,終於雪糕唔比人帶上機....週圍行下,見到有O的小鋪頭有得打機同埋扭雞蛋....去到一DOMESTIC DEPARTURE層,見到一個奇景,大家都知日本最大的兩間航空公司係JAL(日本航空)同ANA(全日空),係呢層,佢地一人各佔一邊,而且COUNTER各佔十幾個,我諗,Domestic flight都係其中佢地一個賺好多REVENUE的地方....再往上層行,可以見到一觀景台,可看到係停機坪的飛機啦,雖然係隔O在個窗,但係呢個背景留影都一流啦~~~
大約11:20AM先返去INTERNATIONAL TERMINAL,見到勁多人排隊上飛機,由於個INTERNATIONAL TERMINAL係超細,加上很好少COUNTER CHECK PASSPORT,再加上其實我地係已經係好遲O個批排隊,所以我地係最後一個上機的人,還要O的地勤人員趕我地上接駁車再上機,哈,就係咁,我地便玩完呢開心的6日,離開沖繩~~~
抵達台北機場轉機返香港
唔捨得沖繩的一切,我地三人便進發到台北轉機,基本上坐一個小時已經到達....由於要等個幾鐘返香港的機先起飛,所以我地週圍閒逛,可能由於之前冇黎過呢個中轉TERMINAL(第二航廈),所以感覺呢邊好新好靚,娛樂O既O野唔係好多,但都有O的DUTY FREE SHOP可以行下,見有時間,我地便坐低食少少O野,食就食台灣特色小食,我地食O在紅豆刨冰,同埋荳花,係度可以用YEN找錢喎,幾好,唔駛留番返香港....唔知係我同政健今日特別型仔定係塊面有O的O野呢,個收銀妹妹見到我地不停咁微笑,哈....時間差唔多啦,上機,返香港,返到香港之時,好開心有人接我機啦....就係咁,結束O在今次好開心好充實的沖繩之旅~~~
沖繩,一個你絕對唔可以錯過的地方,佢係我近年去幾個地方之中最鐘意的一個地點,我覺得佢HIT O在幾樣O野係令大家都好鐘意佢,一黎,佢係日本之地,香港人大都愛去日本玩唔駛講,二黎,陽光海灘一流,普遍香港人都鐘意玩水水,布吉玩到厭,不坊到沖繩一玩,三黎,近,去轉東南亞的RESORT渡假都要閒閒地兩三個鐘飛行時間,香港直航到沖繩都係兩個幾鐘,絕對大家可以有多一個CHOICE啦,加上感覺好舒服,所以成為我的一個致愛....加上今次可以同到我中學同學一齊去玩,我覺得好滿足,所以有機會我一定會再去,順帶一提,沖繩的其他外島都係一流的,大家老友記,下次你地起行,記住搵埋我,哈~~~
多謝大家(追)睇我的沖繩遊記,令大家睇足成年,唔好意思,但我要多謝大家的支持,因為有時係你地話我知你地有睇,先令我有心去寫晒咁多日出黎,多謝晒你地,同埋你地有任何COMMENT都可以話比我知呀....SUKI,我終於寫晒啦,你可以POST去你的日記啦,哈哈....要重溫沖繩靚相,可以睇我的網上相薄啦: http://www.fotop.net/beautifulife/Okinawa07
26.10.2008
沖繩之旅第五天 Renaissance Okinawa Resort~讀谷殘波海灘暢泳~那霸國際通牧志市場~國際通Shopping~Maui Sam's Restaurant風味牛燒~南風Hostel Renaissance Okinawa Resort
昨晚玩到3點幾先訓,習慣早起O既我,今日7點半又起O在身LU,始於去旅行都係鐘意朝7晚11,鐘意自由行,可以控制自己O既時間,要早過旅行團起身都得....早起一打開窗即見靚景,有彩虹喎,即影低啦....同政健傾過,佢還是唔食早餐,咁我就同SUKI去食,係呢間RESORT,食早餐唔止係得一間,所以我地今日選O在另一間餐廳去試下個早餐日式料理,呢間餐廳個名好靚,叫"彩"....而食O既會係日式SET BREAKFAST....坐低,個環境好靚,見到窗外有少少日式庭院必備的松樹,再加少少海景,見到幾累都心曠神怡晒....呢次日式SET BREAKFAST,佢係有好多小碟(即好多配菜或食物)再自選粥或者米飯,賣相一流,而且味道係超好味,感覺好地道,雖然係O係RESORT,而唔係O係京都的民家小屋,但都可感覺好正好特別....食完之後,還可以到外面小露台欣賞下晨早O既海景,嘩,一早8點幾都已經有人學玩獨木舟,一隻隻黃色小船點綴了藍藍的大海上....呢間餐廳推介比大家啦~~~
(溫馨提示 :一些細少O既酒店或RESORT,佢地進食早餐(甚至晚餐) O既地方多數係FIX O在一度,選擇唔多....若有機會好似今次咁連早餐都可以選擇係唔同O既餐廳食就會好開心....好過日日起身都係同其他住客人迫迫地去搶自助餐食物....記住CHECK IN時問清楚或睇清楚O既酒店指南 )
殘波海灘暢泳 (Zanpa Beach)
食完早餐,都係差唔多時候(CHECK OUT TIME係10點)出發去下一個地方,而咁難得可以黎到沖繩O既海岸線,當然要再一次享受下呢到O既陽光海灘,所以我地便決定到往那霸市沿路O既其中一海灘游水,那就是殘波岬海灘....CHECK OUT 時都有擔心過呢兩日我地都三人同行,會唔會比人CHECK到CHARGE 多一個人錢,幸好最後都CHECK唔到,找O在數後我地便決定搭的士去海灘....一位好人的司機直接地車我地去到海灘(因為殘波海灘係O係殘波岬酒店後面,從公路要繞過小路才可到達),大約20分鐘後下車時,司機知我地係玩一陣跟住會返那霸,便極力SELL我地話玩完之後CALL佢車載我地返那霸,佢話因為海灘位置比較偏搭車唔方便,我地先拿了卡片再算~~~
(溫馨提示 :好多時,尤其係日本,O的酒店及RESORT的CHECK OUT TIME係10點正早上,所以想要留多陣都難,大家有行程一早出發當然可以不理,放低行李係酒店LOBBY出去玩便可,但若想可能留到12點先CHECK OUT,其實可以打去比RECEPTION OR OPERATOR REQUEST 下可唔可以LATE CHECK OUT到12點,一般黎講酒店唔FULL都會比O既,咁當然ON REQUEST 就冇保證O既,同埋愈早講就愈好啦....岬係日本黎講即係一個海角或者岸邊,多創意的日本人自然會放O的留影牌或燈塔係岬邊等大家都可以看到,通常岬邊都有一定的觀景台望向大海,影相當然比較靚,有O的岬會有開放時間,要留意啦 )
去到沙灘位置,一入去便見到個大大個ZANPA BEACH 的牌子,都係一個必影位,右手邊便係一個少少的服務台的地方,更衣室,LOCKER,小賣店,水上活動都係O係呢個位....睇過O的LOCKER其實都相當細,唔夠我地一袋二袋放入去....都係先換完衫,塗上太陽油及帶好GOOGLE之後,再把我地的行李搬到沙灘位置,因放唔到LOCKER,唯有輪流咁看管行李....先租把大傘(約500YEN)遮一遮蔭,再展開我地玩水行動....呢個沙灘其實唔算大,但藍天白雲搭上藍綠色的海水已經係好正的色彩,加上O的三點式比堅尼女郎,雖然係少量,但都已經令整個畫面好豐富....游泳係呢度黎講,其實我唔係話最好,反而欣賞上周圍環境,感受下沖繩的RELAX感反而最好,所以我只用少時間游水,其後我反而週圍行同埋影相,睇下人地玩水上活動同埋係度跳下舞,同埋唔少得同政健討論下隔離一位樣靚身材正的三點式日本妹妹....哈哈,最重要係好好ENJOY呢一刻~~~
玩到12點幾,都差唔多離開,因為我地今日會預番返國際通作最後的SHOPPING,因為明天便要一早機離開沖繩....問了沙灘的RECEPTION點樣可以離開,最近的公車巴士站都要係酒店行20分鐘出去,所以我地最後都係決定打的....先用五分鐘行返入殘波岬酒店裏面,其實呢間酒店都靚架,白色外牆,都幾型格,而我都幾鐘意佢個開揚的LOBBY及STAFF係著夏威夷衫啦,及人一個好親切的感覺....我地好好彩地遇到一位好好人的RECEPTION OR ASSISTANT MANAGER,名叫北村,因為我地表示要返那霸市,我地PRESENT O在頭先載我地去殘波岬的司機的卡片,佢便二話不說的幫我地打電話去約O個位司機到酒店接我地返去,北村更叫我地先係O的長椅休息一下,有的士到便會叫我地上車,佢O既服務真係好好,尤其係我地只係路過,而唔係O係呢度O既住客都可以咁幫手(可能佢唔知啦),所以我地好安心....的士到了,眼見唔係頭先的司機,北村幫我地翻譯一番便明白佢地係同一個集團去載客,包的4000 YEN便可返那霸,係度要好好多謝北村小姐的熱情服務,若有FD黎緊會去沖繩入住呢間殘波岬酒店的話,記住幫我好好多謝佢一番~~~
(溫馨提示 :殘波岬酒店都算係讀谷區一間好出名的酒店,想知更多資料,不坊進入: http://www.daiwaresort.co.jp/okinawa/ ,睇睇 )
那霸市
坐上的士離開讀谷,其實沿路都長著高高的草,好似去O在原野叢林咁....一個小時的車程便可到那霸,長車程,我還有一件好重要的事要做,就係寫明信片比我的好朋友,哈,還要趕快的寄....而我們到那霸的第一站,便是去今晚會住的民宿先CHECK IN,這間民宿係O係網上搵的,有O的希臘風情FEEL的,叫宿南風....經過司機在環街一番找尋之後,終於都找到我地的民宿,SETTLE DOWN晒所有O野之後,我地便返去國際通作最後SHOPPING,由民宿步行過去都要大約20分鐘~~~
行到國際通,可能今日係星期日,見到有一段路係被封了,而且係見到一O的街頭活動,有人係度跳HIP HOP啦,有很多途人都圍觀,其實我都係第一次見日本仔跳HIP HOP,覺得佢地唔係跳得好勁(因為覺得東京街頭的應該會勁O的),但勝O在夠氣氛同地道....因為我地還未食LUNCH,睇O在一陣跳舞後,我地便入O在旅遊書介紹的第一牧志公設市場到食O野,一步入,第一樣O野見到的係真豬頭,哈,這是沖繩的地標....上了二樓的食肆睇下有乜食,最後係一間叫道頓堀的食店食O野,一坐落不久,便聽到國語,O的服務員係好似大陸人或是台灣人黎的,點了幾味菜,但每一碟我都覺得唔好食,呢一餐成為我地係沖繩最難食的一餐,呢個市場真係唔推介比大家~~~
食完之後,走O在街頭,見到有一O的很得意O既車仔,三輪的,好似小小的環保車咁,想坐,但因為要去買手信,所以先擱置....見有O的時間便走入去國際通的三越閒逛一番,呢間三越真係有別於東京區O個邊的三越,行入去,比我地O既感覺係好似去O在大陸的百貨店咁,貨品一黎DISPLAY得唔多,二黎個場O的地板裝修都比較舊了,係時間要執執佢....反而係三越對面有一個商場叫OPA比較好行,似就似香港的利時,金百利,我係裏面執O在頂帽,都幾型架....因為今日係最後一日留係沖繩,加上今晚會實行我地的豪食大計食牛,所以我地便係食飯時間KEEP住再逛一次國際通買手信,諗住玩到今晚9點幾先去豪食....我地繼續發掘國際通之時,便食了BLUE SEAL的好味雪榚,呢次食O在紅芋雪榚,又係超好味,我真係諗緊可唔可以PACK一箱BLUE SEAL返香港,但一問之下係唔可以,勁失望....當然入手御果子御殿的紅芋及其他手信係唔少得....試完雪榚,係國際通上還有另一小食都好出名,就係Tascoya的墨西哥薄餅,成為160YEN,店子小小,但都好有風味....去到OKINAWA屋怒買手信比O的FDS,我又買O在O的TEES著同埋去O在HABUBOX買O在件靚靚背心著,政健SUKI佢地都買O在一O的ACCESSORIES啦,突然間好鐘意HABUBOX,波布蛇箱呢個沖繩品牌....買到9點幾,便按我地的計劃去食O野LU~~~
(溫馨提示 :國際通當然係沖繩裏面食O野買O野的地方,但大家係閒逛之時,千奇唔好忽略一O的橫街,只要行多兩步,可能會發現一O的特色店,所以唔好只顧係大街行呀....御果子御殿係沖繩出產紅芋的名所,O的紅芋撻超好味,大家一定要試,有機會的話,我建議大家去下恩納分店,因為一黎可以見到佢個生產工序,二黎佢有好多紅芋做出黎O既和果子同SOBA麵,三黎佢有個無敵大海景,望海食O野景觀一流啦,詳情可看: http://www.okashigoten.com/?file_no=aj2em4sktt ....BLUE SEAL雪糕好好食,多種口味,唔駛多講,建議大家食O的特色味道,SALT,苦瓜,紅芋等又朝一日香港有得賣就好,都係自己慢慢睇啦: http://www.blueseal.co.jp/ ....哈,HABUBOX O的衫真係好型,大家可以再睇多次: http://www.habubox.com/index.jsp )
黎到沖繩,若大家手頭唔係話太緊的話,我都建議大家去食下牛,可能因為呢度同石垣島好近,而石垣島出名係佢地O的牛會作為交通工具去接載人,所以O個邊O的牛係操到好FIT,肉質特別好味,所以係國際通內有好多O的專食牛排的餐廳....我地係一條街上,真係有10間8間可以選擇去食,咩牛排屋88,碧....等都好出名,最後睇番個格局同價錢,我地選擇了MAUI SAM'S RESTAURANT.因為佢係O係國際通中心,見到佢有本大大本O既留言薄,同埋有O的火把係門口,好有夏威夷FEEL,加上價錢都OK,所以便入去食....一入到去,其實整個環境O既裝橫都幾唔錯,一張長長O既卓上面有個燒烤位,一坐低,便每人先叫杯DRINK,佢呢度O的特飲好得意,有隻特別O既杯裝住,而且飲完之後仲可以帶佢地返屋企TIM....睇個MENU,點了個SET,內裏有牛同埋半邊龍蝦....而最特色之處係有個師傅會係你面前表演一流O既廚藝,飲品同頭盤先上,我的飲品係石獅子造型,而政健的係石敢當,再加埋SUKI O既魚缸杯,頭盤係先蝦杯,好FRESH啦....跟住師傅便表演一流的刀技及煮法,最IMPRESS係玩雜耍似的落調味料,同埋佢個型仔POSE,哈哈,大家可以留意以下段VIDEO....整體環境同氣氛係真係唔錯,TOTAL都係12,000YEN,每人圍起都係港幣300幾啦,抵,食完之後我地還係本留言薄留言~~~
實況VIDEO 1
食到11點幾都係時間返去民宿,咁就愉快地過O在一晚,臨返去之前有諗過會唔會再去PUB玩下,因為最後一晚,玩夜O的都OK啦,但最後都係諗住要執O野休息,所以都係先返民宿....返到民宿,主要都係執O野為主啦,因為明天都要一早機返台灣再香港....係大家執O野期間我便週圍影下相同埋沖涼,其實整體黎講呢間民宿係好細啦,我地間房內,因為佢係有上層啦,所以有時係下層活動時會撞親,而個沖涼的地方係SHARE的,但都幾窄,冇計,我地都係因為平想慳少少,所以才住,不過最後一晚,其實乜都冇所謂LU~~~
(溫馨提示 :南風其實除O在平O的之外,有少少希臘FEEL之外,個人覺得唔係住得太好,大家可以參詳下個網頁: http://minamikaze-cg.com/greeting.html )
執完O野,便訓覺去,明天可以唔駛太過早起,話咁快整個行程便完晒,有O的唔捨得O既感覺~~~
(明天最後一天行程再續....)
沖繩之旅第四天 Renaissance Okinawa Resort~真榮田岬青之洞窟浮潛~北谷町美濱美國村~關西燒餅+炒麵~Sunset Beach~幸福摩天輪~Double Decka Restaurant & Bar Lounge~恩納海灘花火之夜 Renaissance Okinawa Resort
早上7點幾起身,今日都係有好多O野做啦,刷牙洗臉之後,因為好想今日上午時間可以玩下水上活動,第一時間便同O在SUKI去O在8點鐘開的MARINE INFORMATION CENTRE睇下O的水上活動....經過一番討論,最後BOOK O在浮潛,而浮潛地係幾近酒店O既真榮田岬,而睇相見到係幾靚啦,有青之洞窟之稱,而呢個青之洞窟其實係沖繩係幾出名架,BOOK了3位,10:30AM去到更衣室區集合~~~
BOOK完水上活動,先和SUKI去食早餐(因為我地係屈蛇,所以早餐只SERVE兩位啦,政健抵得諗,只好打包O的O野佢返上房食)....今早早餐都係一般RESORT早餐自助餐(但其實我地食早餐O既地方係可以有幾間餐廳可選擇),論好食或多款就唔見得,但好在可以坐室外望沙灘同泳池位,可以望住個大海食早餐,個人即刻心曠神怡晒,食都食得開心~~~
(溫馨提示 :要BOOK上水活動其實有位O既話當然可以ALLOW你即場BOOK,即時去玩,但當然最好前一兩日BOOK定就最好,未出發之前都可以先睇定O個間RESORT有乜水上活動玩,我地呢間都算有幾多架,有獨木舟,水上電單車,與海豚接觸,SUNSET CURISE等....而PAYMENT可以選擇即時比錢或者CHARGE係房間O個度,因為其實一般RESORT係可以ALLOW外人入黎用某O的設施或BOOK水上活動....講開食早餐,因為沖繩都算熱帶之地,所以難免在室外進食其間會有蚊之類小昆蟲飛來飛去,頂得順的話不妨追尋下大海 )
這是食早餐O既環境,不錯吧
鎖匙都特別型過人
浮潛之旅
食完之後,玩浮潛O既時間未到,於是在房內HAE下,同埋寫下明信片....差唔多時候,便由房間步行到更衣室,沿途其實經過好幾個地方如RESORT內海灘,海洋生物養殖區,STORE,RESORT內泳池,地標長橋,終於係日頭見到整個RESORT個樣,其實呢個RESORT都幾靚架....去到更衣室,見到位都幾型O既日籍教練在集合大家,呢位就係今次我地玩浮潛O既教練啦,教練先指導我地更換泳衣及按排我地帶上有度數O既浮潛GOOGLE,最開心係見到都有日本妹一齊參加,成日都諗有機會同樣靚身材正著三點式O既日本妹同游水O既話,真係夠眼吃冰淇淋,哈,即刻覺得今次黎沖繩呢個決定完正確....換完衫,集合同拿上GOOGLE及蛙鞋,及OPTIONAL地拿取潛水衣,便出發去,因今次大約有十幾人,於是便由兩位教練帶我地出海去~~~
其實船程只係十多分鐘,便可到達真榮田岬(青之洞窟),係到達之前靚仔教練知我地唔識日文,便好用心地教導我地點樣帶GOOGLE同浮潛,因為我地坐得比較後少少,眼見教練係船邊走來走去,相當敏捷....去到洞窟附近,我地便停O在船,一個一個的跳落水,一個跟一個的慢慢熟習沖繩的水再由教練帶我地慢慢的游去青之洞窟,當然係浮住潛咁游過去~~~
沖繩水底O既世界真係好靚,水色靚已經唔駛講,海底更加係有好多唔同O既魚仔同埋好多顏色O既CAROL,有時魚仔都唔會驚人的游到我地身邊,真係好開心可以與水底世界接觸....由教練帶我地到達青之洞窟內,游近O既時候,當然O的水溫係比較凍,因為陽光係入唔到洞入面,入到去後,覺得冇乜特別,水底更加係有點漆黑,但教練就叫我地一路浮潛住出去,即刻時明白青之洞窟呢個名的由來,因為當你浮住潛出去,陽光照射住洞口,係水底世界一睇,就好似有一條光柱係你面前,加上我地的團友一個一個在游水的影,感覺係好似有O的ET外星人由UFO降落地球O既情景一樣,水底係好青好藍,加上浮潛緊,聽唔到外面世界的煩擾,可以享受到片刻夢境(或仙境)....最衰冇水底相機,唔係我實記錄晒整個過程~~~
游到出去,我地有O的自由時間週圍的浮潛繼續欣賞水底世界,靚仔教練分O在一O的麵包糠比我地,當然係用黎吸引O的魚仔過黎啦,好開心....教練佢更作出一個幾特別O既表演,完全唔需要有任何浮潛工具下便游落水底,還可以係水底用口吹泡泡,個泡泡慢慢浮到水面再爆開,都幾得意....唔知係唔係我地團友游得太近關係,成日係我面前都見到個粉紅色屁股係度扭下扭下(一個著粉紅色BIKINI的日本妹),哈,搞到我都分心,哈....差唔多時候便上船回去RESORT,係船上望著正耀眼的陽光,加上係船上教練早幫我地安排好的凍飲,整個過程我地玩得好開心,好滿意....返到RESORT,我地便沖身換衫,仲要多謝教練同埋同佢影張相啦~~~
(溫馨提示 : 其實唔識游水都可以玩浮潛,因為有救身衣便可....另外,香港有O的相機鋪係有提供數碼相機O既一O的防水機殼,呢O殼都係一套落部DC or DSLR就可以用,多數都係日租形式的,若你預計會有大量機會接觸水底世界而又想把水底美景留住,我都幾建議套個防水機殼去影下O野 )
要出發去啦,唔記得帶BIKINI唔緊要,RESORT內你可以買到啦
單眼石獅子和你在打招呼
靚仔教練
Renaissance Okinawa Resort
回到房間休息,大約12:30PM,大家諗住小休1小時再去美國村(AMERICAN VILLAGE),我當然再用O的時間去週圍影下間咁靚O既RESORT啦,先係房間陽台裏影,再到同層不停影,去到LIFE口,坐係CLUB LOUNGE裏面O既姐姐見我影得咁高興,便帶我去一個絕靚影到整個RESORT的陽台影相,一去到陽台望出去,真係靚絕,相機快門聲真係不停,而眼前呢個畫面就係常常係REOSRT O既網頁同埋POSTCARD出現過啦~~~
由房間望出去的景致
美麗吧
RESORT係好似屋村形設計,但光猛好多
就係呢個絕世一景,一眼難忘
走到室外位,見到有兩位著住BIKINI O既日本少女係度打PING PONG球,我相信要O係係沖繩你先見到呢樣O野....RESORT海灘內有人游水有人晒太陽,可惜雲層今日有O的厚....由地標(即昨晚食日式燒肉的地方)望番RESORT主樓也有另一番景像,夜晚寧靜的一面,與太陽底下人聲鼎沸熱鬧的一面成了很大的對比....再向前行便會到REEF TOUCHING區,但好似唔多覺有乜REEF喎....再行過,除再到達更衣室,更見到魚排式的養殖場,係呢度可以同魚兒有另類的接觸,你可以係呢度親親海豚同埋魔鬼魚啦,可以見到RESORT人員悉心地照顧魚類....再向前行,終於搵到我幾想係沖繩見到O既一樣O野~~~
上午的RESORT主樓及海灘
REEF TOUCHING區
就係呢度可以親親海豚
呢個就係教堂,成日睇雜誌都見到東南亞有海的地方附近RESORT總有O的望海的教堂比人結婚,峇里係,關島係,沖繩絕對有資格擁有,唔知有冇機會見到有人行禮或者見識下內部呢?....去到門口,見關了門,但見到有個牌寫今日有三對新人行禮啦,可惜時間似乎夾唔到見到,我週圍影,有個好似希臘小白屋或關島教堂上的幸福之鐘,再週圍走,見到一開了的門內有化妝師啦,似乎好快儀式,我好想睇,但我地要趕行程同埋唔可以打搞人,係教堂週圍影下我便離開,但可以見到個望海O既教堂都好開心~~~
海邊的教堂,真係好恨一見其內部
幸福之鐘
今日有三對新人結婚,恭喜晒
再係RESORT內週圍影,呢個RESORT都有幾多O野喎,有泳池,有食O野地方,有SALON,真係一應俱全,去到沙灘另一邊更見到有人拍寫真,哈....返到主樓內之前,竟然比我見到正有人結婚行禮,眼見就係有一個白色轎車接載一對新人遊RESORT一圈,哈特別,而主樓室內那熱帶雨林的設計我係幾喜歡啦....望望時間,差唔多出發去下一地方LU~~~
RESORT SALON
藍天真係好靚
另類寫真
主樓內的鸚鵡正WELCOME每一位客人
美國村
係RESORT門口坐巴士(20或120號往那霸方向),大約40分鐘便可到達美國村,美國村係坐落係北谷町區,顧名思義就是一處充滿美式氣息的地方,有這樣的地方主要係因為鄰近美軍空軍基地的關係.其實一落車,便覺得呢個地方唔似一般日本之地,好有外國氣氛,也見到有好多外國人,尤其係黑人....行過馬路,便見到賣BLUE SEAL雪糕的BIG DIP,我地O既然成點幾都未食午餐,快快的食返杯雪糕頂下肚餓,今次我點了個沖繩特色的鹽味雪糕,咬落去,會食到一粒粒的鹽粒,但就唔會係咸味,好有特色~~~
(溫馨提示 :其實美國村都算係一個幾大O既地方,要睇要玩O既O野可以好多,係裏面絕對可以玩足半日,裏面有好O野食,又有摩天輪坐,又大JUSCO可以SHOPPING,及有BEACH可以睇下日落,大家落車的可以係"軍病院前"呢個站,一落就會見到BIG DIP )
開心的三人組
BIG DIP,好味的雪糕店,一落車便見到
鹽味雪糕,幾特別
今日天氣真係好,抬頭一望便見到藍天白雲,同埋個大摩天輪,沿BIG DIP方向一直向前行,便見到美國村的標誌牌,當然又係一個必影位....其實已經係日本時間下午2點幾,都未食LUNCH,所以我地第一時候便去搵食,見到旅遊書介紹MIHAMA食堂好特色,於是便去搵佢出黎....行著行著,可能我地太唔熟悉O的路,(因為美國村可以分成兩邊,上半部近海地帶,同埋下半部近公路地帶,近公路的係一帶唔係高度發展的地方,我相信食堂係O係呢帶,但搵唔到),所以最後放棄好了....行到一戲院內小作休息之後便再出發(順帶一提,日本正放影緊HERO的電影版),最後決定到MIHAMA CARNIVAL PARK,即大摩天輪的所在商場進食~~~
(溫馨提示 : 想去的MIHAMA食堂,主力係食沖繩SOBA啦,詳情可睇: http://www.ocvb.or.jp/tw/spot/dining/chatan01.html , 呢個SITE更可找到大量有關沖繩O既資料,而MIHAMA CARNIVAL PARK其實係美國村裏O既地標,而同一時間都係一個集食店,購物,摩天輪及表演的一個地方,詳情: http://www.carnivalpark.jp/index.html )
小小標誌牌
反射得好靚
周圍都可見到的地標摩天輪
搵唔到食店,反而搵到似九溝之景
係戲院小休再出發 (正播影緊HERO電影版)
其實係PARK裏面都有好幾間食店,最後我地決定去食呢間大阪口味 - 關西鐵阪燒,因為佢門面吸引,一入到去,便有位識講英文的日本少女招呼我地,可能始於呢度係美國村O既關係,所以大部分人都可以用英文溝通....呢間店的大特色係O係桌面上面有個鐵阪燒爐,大家可以自己整鐵阪燒,哈,當然我地係唔識整,師傅係會幫我地整熟O在O的食物先,我地再其後加熱....點了個足以夠三個人食的餐(關西炒麵,TAMAGOYAKI同埋關西燒餅)再加烏龍茶,好日本人口味啦....係我地的桌的對出不遠便是師傅的廚師位,可以見到師傅快刀斬斷麻,三兩下便整起O的肉O的麵,我影都影唔切,但真係保證係O係大家面前做的,好新鮮....呢餐其實幾過癮,因為可以煮自己鐘意的,同埋加唔同醬料,好味~~~
師傅三兩下手勢便搞店煮熟
我地都玩埋一份
炒蛋
關西燒餅都好好味
食完1O野,便行下呢個PARK,行下O的SHOP,同埋上O在最高層睇睇摩天輪,其餘摩天輪位係可以出去到平台的,係摩天輪之下影相又真係另又一番風味....行影完相,去番呢個PARK之外,見到有人SETUP 緊O的音響器材,唔通黎緊會有表演,但只見兩三個人係度玩,應該冇咁快有得睇,所以繼續向前行....正想行之際,突然間天上發出了長長的剌耳的巨響,感覺好似有飛機係你頭頂經過,抬頭一望,原來係一個戰機,果然係一個美軍機地,第一次見戰機係天空飛行,我當然即刻影低,咁當然佢比飛機飛行的速度快,好快的便劃過天空....由PARK向前行便行,便是一SHOPPING 點,叫AMERICAN DEPOT~~~
這個就是MIHAMA CARNIVAL PARK
又見一次呢個娃娃
上到平台就可以見到呢個美麗的摩天輪
街頭表演準備中
真的見到戰機
AMERICAN DEPOT其實係一個SHOPPING AREA內裏包括O在一O的買美服,二手店O既地方,內裏的擺設都係美式以大公仔放係商店前吸引人入去買O野,而AREA當中還包含一O的美式食店....我地諗住下一個地點便係去SUNSET BEACH睇日落,見有O的時間,我地便行下O的SHOPS,行行下見到個日本小朋友,又係非常得意,於是便連同佢爸爸黎一張合照....行過幾間店,以"波布蛇箱"呢一間我最鐘意,呢一間O野其實係賣日式衫同飾物的,但O的PRINT O既PATTERN好有型,推介比型男~~~
(溫馨提示 : 其實黎到沖繩呢O的咁渡假FEEL O既地方,而美國村又咁美國,整個感覺真係好夏威夷,所以都有唔少人係著"夏老威"....若大家對我講的品牌"波布蛇箱"有興趣可以睇: http://www.habubox.com/index.jsp )
美國村的地圖
AMERICAN DEPOT
好美式的擺設
再黎一個
小朋友好得意
我幾鐘意的鋪頭 - 波布蛇箱 (沖繩限定啊)
差唔多五點幾鐘,我地便慢慢的行去SUNSET BEACH,SUNSET BEACH 其實都係去美國村的一個重點,顧名思義,SUNSET BEACH係一個好適合睇日落的地方,我地踏入BEACH AREA時,先見左手邊係一座HOTEL高高的坐落在BEACH旁,眼前就是一個沙灘區,可能因為天氣開始涼加入夜的關係,所以冇乜人游水,右邊見到有O的小賣店加更衣室....行了幾步,眼見有兩隻狗仔勁得意,當然要睇下影下相,兩隻狗狗都係一伯伯所養的,沿途都有好多人同狗狗影相....望落海灘,見到一班男生在踢波,女生郤在拋膠樽,好青春活力的氣息....再行多少少,便會到O在好多人聚腳的岸邊,呢度就係睇日落的最佳地方,眼見日本人都三五知己,著便服的著泳衣一齊等日落,個環境真係令人好RELAX,我地當然都要係度吹HEA下....我覺得雖然個天好多雲,亦睇唔到個咸蛋黃,但就好似日劇咁樣,O的男女主角會去到海岸邊談情說愛有FEELING....夕陽無限好....感受完回程,再一次見到狗狗,佢地好聽話,同埋都見到預測日落的時間的牌子~~~
新落成的RESORT
狗狗B
狗狗BB
很有活力的年青人
坐低後好RELAX,扮鬼臉
人人也在等待日落
我左手邊的日本妹妹也充滿期待
就是這麼的一個美景
Sunset Time
入夜的美國村,摩天輪都變得很美麗,因為整個摩天輪都亮起來,7色的變化,就好似我年前係橫濱見到的一樣....雖然天空灑了少少雨,也都冇損我地O既心情,因為剛3點幾4點先食完LUNCH,所以諗住今晚會晏O的先食晚餐,而食晚餐的地點都諗好了....有一點點的時間,我地便去到JUSCO閒逛,竟然都比我買到O野喎,一直都想打扮斯文O的,於是便買了O的型仔的SHIRT同埋幼呔,都係大約3000YEN,YEAH....閒逛完便諗住返PARK玩摩天輪,係PARK的廣場之下,郤見到有街頭表演,一位日本女生在唱歌,佢O既歌甜美,而且唱得好勁,我除O在影佢相之外,今次拍埋段VIDEO啦....之後去了表演隔離的一間叫OUTLET-J的商店,呢間買O野都OK,但我見我地都買了,所以冇再買,上頂樓玩摩天輪,成為每人500YEN,可以望到整個美國村,其實感覺都好正啦....玩完諗住MOVE去另一AREA,我叫做"太陽市場"區時,又見到一街頭表演,呢個表演勁呀,真人表演吹爆波,但不是只用口吹,而係將整個未充氣的汽球笠頭,之後大約用鼻的氣吹爆個波,其實呢個表演有少少玩命,但真係好精彩....太陽市場區其實係O係美國村內右手邊的地方,呢度其實又有幾樣O野玩(都話美國村好大),有個叫DRAGON PALACE的地方可以睇4D SHOW,有個地方就有機鋪,行了一轉,發覺O的機唔係話好特別,可能因為香港都幾貼日本的潮流,還有一個地方叫SEA SIDE BOWLING,碌鈴的地方,價錢唔太貴喎,為番港幣大約3/40十蚊一局,更見到一間MC記,賣一個香港都沒有的包,叫MEGA BURGER,4塊肉,我冇食,見到都飽....HEA O在一陣,9點幾鐘,去我地要去的餐廳啦 -- DOUBLE DECKER~~~
(溫馨提示 : 哈,我去世界每一個地方,我都會去一去睇一睇當地MC記睇下有冇咩新飽新食物出,我覺得可以食下一個地方MC記的特別版都叫幾得意,尤記得當時係美國夏威夷食過MC RIB,英國就食過似MILO的麥旋風,係日本食過炸蝦魚柳包,今次到MEGA BURGER,唔知下次我會見到O的咩呢,期待 )
夜景下,美麗的摩天輪
唱功一流的街頭表演者
實況VIDEO 1 -- 街頭表演
摩天輪下的美國村夜景
攝於機鋪的豆腐太郎
MC記MEGA BURGER,好堅
DOUBLE DECKER 點解會去呢一間?原因係比佢O既外型吸引住,因為佢有個英式雙層巴士連住個餐廳,食客可以走進巴士內進食....此外餐廳內更有BAR位,可以話係一間酒吧RESTAURANT....食物以英式及意式為主,日式煮法....呢一間O野裝修都幾靚,兩層食店加一巴士,有一O的旅遊,時裝及室內設計O既書,型格,有一O的長長O既吊燈,好有氣派,而隔離桌坐著一低胸服飾的日本妹妹,更加養眼,哈....我地先點了幾杯COCKTAIL特飲,再點了一蛋包飯,意粉同埋一PIZZA....食物都叫OK,但等O在有一O的O的耐,但唔緊要,因為去到旅程的第四晚,我地決定黎一個傾情之夜,除O在了解大家多O的之外,更講出大家對唔同事情O既諗法....傾情期間,估唔到政健可以咁感性,而咁每樣O野都係好成熟好有深度,相比起,覺得自己有O的諗法真係好細路,我要多多跟政健哥學O野啦,當然SUKI都好識諗O野....由9點多坐到11點3先走,我估應該都冇巴士返RESORT,加上我地(其實只係我)有少少WING,所以我地打的返RESORT,成為大約2800YEN,酒氣過後,原來我地仲有活動啦~~~
Renaissance Okinawa Resort
仲記得我地之前買O在O的煙花嗎?目的就係為O在今晚啦,夜深冇人之時,就係我地出動之時....返到REOSRT,12點幾,刷洗一番之後,便帶埋我地O既火花同電筒出去,我地為O在避免影響住客,所以我地唔會留係RESORT裏面玩,我地出了REOSRT,去了隔離恩納海灘去玩,可以扮下日本人玩下滴滴金等,開心....開始玩啦,相機都準備好,以為O的煙火會好勁,即飛到半空爆O個隻,但點知,隻隻都係低放ONLY,失望呀....有一款包裝紙上可以話手持,但點知佢係會爆架喎,好O在我地冇拿起手玩,險些搞到我地斷手....但煙花其實好靚,所以都拍O在唔少相同VIDEO,大家可以慢慢感受下~~~
實況VIDEO 2 -- 花火1
實況VIDEO 3 -- 花火2 (會爆炸的花火)
實況VIDEO 4 -- 花火3
玩到成點幾鐘,我地先返RESORT,沖下涼,傾下計,寫下明信片,都搞到成3點幾先訓,今日真係大長征啦,明大又要早起,還是早O的訓LU~~~
(明天行程再續~~~~)
23.08.2008
沖繩之旅第三天 那霸~名護市~海洋博公園~YanBaRu 食堂~萬座毛~恩納村~Renaissance Okinawa Resort Lohas Villa Hostel
今日大約6:30AM 起身,只係訓O在4個鐘到,一黎要趕行程起身,二黎冷氣費O岩O岩好到時間用完,所以不得不起....其實呢間民宿係幾唔錯,係國際通路上之餘,刷牙洗臉O既地方都係望向街景的,好舒適啦,一大早就可以望到藍天白雲....要離開LU,CHECK OUT,可能係因為好早O既關係,連COUNTER都未有人接待我地,所以只得留下鎖匙係COUNTER,我留了一張紙條係RECEPRTION,話我地要離開之餘,都一讚呢間係一間唔錯O既HOSTEL~~~ (作為旅人應該對好的體驗要讚揚及推介,對唔好的體驗要說出來啦,咁先可以擴大自己旅行的各樣感受)
刷牙可以望住此景,真開心
刷牙洗臉地方雖簡單,但也很USER FRIENDLY
特色的椅子,但因呢兩日太忙,都未有時間跟友人坐下望下星星傾下計
峇里風情的HOSTEL,推介比大家
國際通上
我地今日第一個景點係位於沖繩本島上北站的海洋博公園(海博),7點多O的便離開,為的是要趕及在7:45AM由那霸巴士總站裏開出到名護市的EXPRESS,因為今日會離開那霸市,所以唔坐MONORAIL到巴士總站,行路其實都係大約15分鐘,咁當然我地拿了行李的行過去,會比較吃力一點....咁早行走O在國際通上,當然係所有的商店都未開啦....黎緊我地會有兩日暫別那霸市,我地今晚會住在本島上的RESORT地帶,恩納村....去到巴士站,等了一陣,便見到去名護市的車來啦~~~
(溫馨提示 :海博係一個係本島上極著名的景點,基本上每一個人黎到沖繩都會一去,大家去到機場時見到個魚缸,都係由海博提供的....若去海博大家唔係自駕的話,應該都會搭公共汽車上去,一般來說要到海博要由那霸市出發先到名護市,再由名護市轉車入海博,全程大家要預番大約要2.5HRS 到 3 HRS先到,係巴士總站其實有兩種巴士可以選擇到名護,一隻係EXPRESS,另一隻為普通的,EXPRESS佢主要係行可以行"沖繩自動車道IC",大約90-100分鐘可到名護,巴士號碼係111號,普通的就會行"國道58號",大約要120分鐘先到名護,巴士號碼係20號或者120號,Express大約車費為1260YEN,普通的好似大約平300 YEN....呢O的接駁資料大家可以係那霸巴士總站得到,最好當然係早一天拿了,預先PLAN行程 )
車程上
上到車,很快地見政健及SUKI已開始想訓,我例牌的還是唔訓睇風景....其實沿途唔會係冇風光睇啦,頭一個鐘,都可以話係市內或陸地內穿插,但最後的半個鐘係會沿海啦,一路向前行係的左邊會有海景睇,風情當然係輕鬆開心啦....冇錯,今日我地1個小時30分鐘便到啦,真快,現在時間大約為9:20AM~~~
這是車票,記住下車時對一對收銀牌,睇下你呢個號碼要比幾多錢
風光不錯吧?所以個半鐘好快過
名護市
到了名護的巴士總站內,第一時間係O係站內搵下去海洋博及萬座毛的資料,搵完,加買埋海博的入場飛,便去買O的飲料飲下....係沖繩呢幾日真係超級好天超級熱,所以成日都要買O野飲....到海博O既公車係9點55分開出,所以都唔可以走得去邊,都係O係站內一等,影下相,傾下計,去個TOILET很快的便有車出發到海博LU~~~
(溫馨提示 :你可以見到我係O係巴士總站買了海博的飛,對的,當然有著數O野先做啦,係總站買可以用優惠價買到海博入面水族館的飛,大約1500yen,平過係海博裏面買啦,原價1800yen,順帶一提,海博公園其實係無料的(唔駛錢),唯獨入水族館就要錢啦...從名護出發,要坐65/66/70號巴士便可進入,大約1小時便可到海博,要留意呢三架車總站都唔係海博,記住係海博入口落車呀,車費大約為640YEN )
夏天末,還是好熱,飲O野唔少得
名護市巴士總站
開車不久後見到的小菜檔,好FRESH同地道
下一站的站名好搞笑啦
海洋博公園
大約11AM,終於到了海洋博公園的入口,一落車便感覺到陽光與大海,因為往遠一望係見到一片海之餘及見到海中心有個島,很有RESORTS FEEL,即時感到呢度好熱情,我,都架起"超"來....門口有隻蟹同八爪魚在WELCOME人啦,行了幾步還著感受那熱情之際,眼見前面有一班幼稚園學生正在進行秋季大旅行,我都好鐘意小朋友的,尤其呢O的日本小朋友係特別可愛啦,所以我不停的影佢地,之餘,我更同一名小小妹妹一齊自拍,佢地真係好KAWAII又聽話啦,一排人聽著"先師"的指示排隊旅行,好乖呀....我地真係未出發先興奮,係入口處係有LOCKER位可以比大家鎖大件行李啦,鎖完,見有O的肚餓,便在一小食亭買了一熱狗食,小小休一下,見到身邊有個展望台,便先一上睇下海洋博全景,呢O的都係一個好好的影相位啦~~~
落車後的靚景,加上藍天白雲,簡直一流
很KAWAII的日本小小朋友
捉住一位"靚女"同佢玩自拍
在展望台影相的我
呢張相我覺得我地好型
沿樓梯一直走下去,望住個海真係好心曠神怡,乜煩惱都可以放下....眼前又見到一班小學生,哈,第三次講呢樣O野,沖繩真係一個好O岩旅行O既地方....再行前一段又個超級靚的觀景台,又遇到班幼稚園學生,麻煩了型仔老師幫我地影一張合照,真係好靚....沿右邊條路一直行,便可以到達水族館,一路行之時,見到地下有O的好靚的畫像,原來官方把呢度著名O既鯨鯊,海龜同埋魔鬼魚都放在地上,引導人進入水族館,果然日本人的心思真係不少....係入館前,見到一部吹風機好得意,有幾位日本人都走埋去,我地一行去一睇,完來係一部吸塵機形的吹風機,因為天氣熱,所以人們都可以把那條吸塵管放到背部,咁就幫你背部吹吹風帶來一時的涼快感....去到水族館門口,一條大鯨鯊雕塑在歡迎你啦,好型啊,在落一層到水族館入口前又係見到一展望台,又係可以見到大海同海島,真係如果我屋企係有呢個VIEW的話,少十年命都值....不斷怒影之後,正想入館之際,先發覺O的飛原來放在係行李袋,行李袋郤放在係LOCKER,冇計,唯有返去拿,SUKI見我同政健不停咁享受緊個海景同埋沖繩靚女,於是佢便返去拿,我便同政健週圍影O野傾下計....幾個字後,SUKI返黎,但發覺同SHOW TIME唔係好MATCH到,所以我地先去海灘O個邊同埋睇完SHOW之後先再入水族館~~~
呢個景真係好正,好鐘意
海龜係呢度O既朋友
鯨鯊帶你入館
給你一陣涼快的冷風機
認住鯨鯊雕塑,這便是入口
我願少十年命來換這無敵大海景
沿路落電梯,往左手道前進,大約10分鐘內便會見到有海灘同水,經過一花叢位,便穿插到海灘,一海灘上,沒有人,只見有一足球龍門架,但藍天白雲加靚海,加白色顏色再加上細細的幼沙,一切都來得好自然好舒服....係咁美麗O既環境之下,當然要怒影,同狂奔....那一望無際的海,真係有一跳落海享受大自然的衝動....其實呢個沙灘唔係自係得一邊,係有第二邊的,當我們行過去時,第一個感覺係,好"寶矌力"啦,O的顏色真係配搭得一流,呢邊,更係有人係度游水,更唔少得有養眼O既三點式泳衣....但由於我地O既時間唔夠,所以只好放棄係呢個海灘享樂,呢個海灘係我人生中O的色彩配搭得最一流的~~~
發現世外桃園
很美的龍門架
逛奔係呢度O既指定動作
一望無際的海景令人心擴神怡
美麗吧?
感動人心的藍天
好鐘意呢張好"寶矌力"O既相
沿路行返剛才水族館的對面,便是海洋劇場,呢個可以話係小型劇場,模式類似海洋公園的海洋劇場,當然係小製作啦,全場只係表演15分鐘....但其實自己都幾鐘意參觀呢O的海洋館,雖然世界各地有好多,但有時抽時間睇下O的海洋生物了解佢地多O的總好過只係去SHOPPING,始於都係比較熱愛大自然....去到場館,找了個靚位坐下,眼見一班又班的秋季旅行的小朋友都一齊睇SHOW,真可愛....開始表演啦,眼見有海豚同鯨魚在飛躍,很配合沖繩海的形象,但相比起,橫濱八景島的白海豚來得優美得多....看完表演,先參觀劇場隔離的海龜場,之後再去參觀水族館,在水族館內,有著各式各樣的魚類,目不暇給,有海星,多利,NEMO,水姆等等,分成得多的區段,而每一區段當然有簡介同埋精美大POSTCARD拿取....再行一段,我地便見到呢個水族館最大特色之處,全世界最大的水族箱,裏面當然養了各樣的魚類,而最著名便是巨型鯨鯊,係呢度影相,支鏡唔wide O的都影唔晒成個箱,最衰我地唔知道,如果唔係O係呢個世界最大的水族箱隔離的餐廳食O野都幾唔錯....參觀完,大家記住唔好錯過係電梯下大鯨鯊雕塑留影~~~
排排坐,等睇SHOW
海豚飛躍
好得意的海星星
神仙魚與多利
全世界最大的水族箱
鯨鯊
留影位
名護市
睇完呢個水族館,也差不多係時候離開同食O野,返到出口拿行李後,到落車位的對面岸上車,其實我地已經比SCHEDULE的時間早到少少時間,去到個站時,我地等了很久才可以上到車,我諗呢O的事時有發生,畢竟係一條公路上,往往都可以有好多事發生,所以唔準時係可以理解的....返到名護市,已經係日本時間4點幾,當然要食個午餐先,係巴士站隔離一飯堂食O野,呢間飯堂係自助式的,所有食物都係READY放係食物卓任拿,當然,拿完要去CASHER度比錢啦,水呢度係任飲的,我稍作休息之時,政健同SUKI已很快地拿晒我地的午餐回來....呢餐食落唔算好美味,但賣相真係好精美....大半個小時,便KO晒我地個午餐,繼續要趕路去~~~
(溫馨提示 :以我地眼見,其實名護市巴士總站附近係冇乜O野食,所以大家搵食,可以係海博裏面食,或者走返去海岸線恩納等地方小餐廳進食 )
名護巴士站附近的 Yanbaru 食堂
健康美味幸福,很有意思,令旅人們感到舒服
食堂環境
賣相唔差吧
萬座毛
食完,日本時間4點鐘度開始搭車去下一個景點,萬座毛,係呢度,我地坐O在好耐好耐車先到,原本預計應該可能半個鐘就會到的景點,現在要坐成1個半小時先到,因為路上有車禍,搞到O的車行得好慢,但可以係車上望住個日落景,其實算係幾唔錯....沿住海岸線一路落,最後係我地係巴士站"萬座前"落車,拖住我地O既行李跟住指示牌前行....係路上,可以見到好貴好貴的沖繩酒店,MENZA,同埋一堆墓地,原來及後發覺我地係下一個站落車會更近啦....行到10分鐘行到一個入口位,還要行多15分鐘上山路先到,上山其間見到好多私家車駛過我地身邊上山到萬座毛,真係想叫佢地車埋我地上山....終於都到了沖繩地標之一 -- 萬座毛,可惜因為已經黃昏,所以只看到她的影子....點解呢度出名,相傳係因為呢度可以坐到一萬人去看海景,所以叫萬座啦,而且當時,張國榮同王菲等人係呢度拍了套"戀戰沖繩"而聞名啦....其實雖然係見個影,但都幾舒服,因為都有其他日本人係度睇風景吹海風,大家都係TEE同拖鞋,真係好RELAX啦....我地放低行李便怒影相啦,哈~~~
(溫馨提示 :要由海洋博搭車到"萬座毛",可以選擇行沿海線的20,120號往那霸方向的巴士....其實正確O的黎講,大家都只係會去萬座毛的觀景台遠望萬座毛,而唔係去EXACTLY萬座毛地,建議大家要去萬座毛觀景台時,唔好係"萬座前"呢個站落車,因為會行餐死,最好係O係"恩納村役場前"呢個站落會比較方便O的 )
車上看日落
萬座毛
大家也很輕鬆的等待日落
Renaissance Okinawa Resort
返去巴士站等車,SUKI突然間話唔見O在隻手錶,我叫佢搵清楚O的袋同行李睇下見唔見,搵了一輪,找不到,跟住原來係政健特登收埋O在,話SUKI頭先食飯時放低O在,政健真係細心....坐巴士到我地在網上預先BOOK好的RESORT - Renaissance Okinawa Resort,大約坐了30分鐘巴士便到....一落車,我先要同政健分開,和SUKI到CHECK IN COUNTER,因為我地係BOOK了一間RESORT房,三個人去屈蛇,所以要同政健前後腳上樓啦....一入去RESORT,第一個感覺都係好舒服,可能大家都係比較CASUAL同埋呢度係一個陽光海灘之地,人人都比較熱情....去到COUNTER有個靚女姐姐,名叫SORA蘭去招呼我地,佢英文唔係話好好,但佢好熱心咁去幫我地啦....佢好好,話我地上網BOOK隻房FULL晒,所以FREE 去UPGRADE我地到最高層的全海景房,但不能享受高層早餐,真係有數啦,正....上樓前去到MARINE INFORMATION COUNTER查詢下水上活動的資料,因我地想玩浮潛,點知,個COUNTER 8點CLOSE未能成功選好個活動,所以我地唯有明天一早再黎BOOK....SORA帶我地上房,一上到房,都算幾正幾大呀,海景都GOOD,但太夜睇唔到O的乜....SUKI係房享受下之餘,我便要帶返已等到已發霉O既政健上房~~~
(溫馨提示 : 其實直接上官網BOOK RESORT都叫幾COMMON O既做法,當然大家都可以搵AGENT或者由其他酒店網去BOOK,我地今次BOOK的房係O係網上做緊半價,(半價後都要成HKD 2000一晚房,都算係自己住過最貴的一間RESORT)....上網有時就係會見到呢O的優惠,尤其係日本O的酒店RESORT,因為酒店為O在搵客,會做好多PROMOTION,例如"早30日前BOOK的割引","網上割引價","LOW SEASON價"等,所以要BOOK到好價,要花O的功夫去搵資料....HKD 2000一晚房都幾甘,所以出發前我地決定三個人去SHARE -- 屈蛇是也....當然屈蛇唔係一個適當O既做去,比人"周"到就出事 )
大家梳洗SETTLE DOWN之後,便開始諗下晚餐問題,因為唔熟悉RESORT外其他路,所以今晚決定留係RESORT裏面的F&B OUTLET去食,因為驚比人拆穿我地三人屈蛇,所以我和SUKI便到樓下RECEIPTION COUNTER BOOK位,係呢度,差點比人拆穿我地屈蛇,話說當我地選O岩餐廳之後,問我地係唔係兩人去食,我地話三人,佢個樣就怪怪地,又問我地個房NUMBER,又叫我地SHOW條鎖匙,又打電話去唔知邊度同埋一番日文之後,就幫我地留O在三位係"海風"呢間餐廳裏....離開COUNTER後,一直都諗我地會唔會比人識穿,但SUKI話唔好諗咁多,就算比人識穿O在,咪比多一個人錢,最緊要唔好玩得唔開心~~~
今次食O個間餐廳位於RENAISSANCE內伸展出去的小地標之內,個名叫"海風",主要係食日式燒肉的....我地一行三人著住拖鞋便出發去....去到間餐廳,其實都被個環境所吸引,因為係餐廳內,我地係有個魚缸陪住我地啦,可以一路食一路睇下魚仔,O的燈就都幾DIM,所以好有氣氛....有個鬼鬼地O既WAITER黎SERVE我地,我地睇個MENU其實食物唔算平,但又唔係貴O個隻啦,每人食一餐預番大約HKD150 - HKD200, 食環境氣氛呢個價算唔錯....我地ORDER O在10 items 的BBQ食材,約4000 yen,同埋每人一杯泡盛(即沖繩COCKTAIL,係有酒精成份的),今餐,食得幾開心,因為可能奔波了成日,終於都到達O在RESORT LU~~~
食完O野之後,我地便週圍閒逛下,酒店其實算幾大,有私人海灘同埋游泳池,玩乜都得,努力工作了一段日子,可以同三五知己黎到呢O的咁RELAX O既地方,真係開心....我地行番主樓,見到內裏的商店都未關門,便睇下有冇O野買,哈,我地買了O的零食,我買了對拖鞋,成日話帶唔夠衫換O既政健終於買了件粉紅色SHISA,都幾型架....商店隔離有間機鋪,想打機,但O的GAMES太舊LU,都冇玩....返到上房,大家都係沖涼,傾下計同埋PLAN下明天個行程便入睡LU~~~
(明天行程再續~~~)
